«Առաջին 20 ընտանիքն արդեն երեկվանից Լաչինում է, իսկ մինչև հունիսի վերջ էլի շատ ընտանիքներ կգան։ Առաջին փուլում Լաչինում կապրի մոտ 4 հազ․ մարդ, գուցե ավելին»,- մայիսի 28-ին, Լաչինում ասել է Ալիևը։
Նա հղում է կատարել միջազգային կազմակերպություններին՝ նշելով, որ Ադրբեջանի դիրքորոշումներում ստանում է նրանց համաձայնությունը։
«Վերջին ժամանակներս միջազգային կազմակերպությունները փաստորեն լիովին համաձայնել են մեր դիրքորոշման հետ։ Ես դա տեսնում եմ տարբեր հանդիպումների ժամանակ։ Ինչո՞ւ են նրանք համաձայնել, որովհետև մենք ճիշտ ենք, և որովհետև մենք չենք շեղվում մեր դիրքորոշումից։ Հենց այդ պատճառով էլ այսօր ոչ ոք չի խոսում ոչ «անկախության», ոչ «ինքնավարության», ոչ էլ ուրիշ բաների մասին։ իսկ ի՞նչ կլինի Ղարաբաղի ղեկավարության ճակատագիրը։ Նրանք համաներում կստանա՞ն, թե՞ ոչ։ Ես պատասխանում եմ, որ դա պետքէ քննել,- հայտարարել է Ալիևը Լաչին կատարած այցի ժամանակ։
Արցախը Հայաստանին միանալ այլևս երբեք չի կարող. նա սպառնացել է Արցախի իշխանություններին՝ հանձնվել ու դադարեցնել գործունեությունը՝ պաշտոնավարումը։ Ըստ նրա՝ Ղարաբաղի հայերն ընդամենը «մեկ տարբերակ» ունեն՝ «ենթարկվե Ադրբեջանի օրենքներին, լինել Ադրբեջանի լոյալ և նորմալ քաղաքացի, աղբանոց նետել իրենց կեղծ պետական ատրիբուտներն ու լուծարել խորհրդարանը»։
«Միացումի» գիրքը փակված է, անջատողականության հարցը փակված է։ Անկախության երազանքը գնացել է կարգավիճակի հետևից։ Մենք արդեն ուղարկել ենք կարգավիճակը պետք եղած տեղը վերջին պատերազմի ժամանակ»,- ասել է նա։
Ալիևը նշել է, որ Լաչինի միջանցքում սահմանային անցակետ տեղադրելուց հետո Ադրբեջանը լիովին վերահսկում է այդ ճանապարհը։
«Մեր տարածքային ամբողջականությունն առանց այդ էլ վերականգնվել էր վերջին պատերազմի արդյունքում։ Բայց սահմանային անցակետը վերջին կետն էր, որով անվերահսկելի շարժում էր իրականացվում Հայաստանից դեպի Ադրբեջանի Ղարաբաղի շրջան և հակառակը։ Շարժումն այսօր էլ կա, բայց այն կատարյալ հսկողության տակ է»,- ասել է նա։
