Ալիևը հրահանգել է բարձր որակավորում ունեցող միգրանտների հրավիրել երկիր
Բաքվի ղեկավարը կարգադրել է բարձր որակավորում ունեցող միգրանտների համար ծրագիր ստեղծել։ Հրամանի էությունն այն է, որ Ադրբեջանին անհրաժեշտ են բարձր որակավորում ունեցող կադրեր, և ռեժիմը ստիպված է եղել պաշտոնապես հրավիրել օտարերկրյա քաղաքացիներին, նույնիսկ քաղաքացիություն չունեցող անձանց, բարձր վարձատրվող աշխատանքի։
Նախարարների կաբինետին հանձնարարված է իրավական դաշտ պատրաստել, իսկ արտաքին գործերի նախարարությանը՝ օտարերկրյա պետություններում դիվանագիտական ներկայացուցիչների միջոցով այս ծրագիրն առաջ տանել: Երեք ամսվա ընթացքում կստեղծվի «մեկ պատուհան» էլեկտրոնային հարթակ։
Կառավարությունը պատասխանատու է պոտենցիալ դիմորդի որակավորումների որոշման համար: Թե կոնկրետ տնտեսության և գիտության որ ոլորտներում է Ադրբեջանին անհրաժեշտ բարձր որակավորում ունեցող կադրեր և ինչպիսի աշխատավարձ է սահմանելու, մանրամասները դեռևս չեն հաղորդվում։
