2005 թվականից ի վեր ԱԶԲ-ն ավելի քան 2 միլիարդ դոլար է հատկացրել Հայաստանին և Վրաստանին՝ կենտրոնանալով ենթակառուցվածքների և կայուն զարգացման վրա: Այս մասին BMG-ին տված բացառիկ հարցազրույցում ասել է Ասիական զարգացման բանկի (ԱԶԲ) Կովկասի տարածաշրջանի մասնավոր ենթակառուցվածքների ֆինանսավորման ղեկավար Դեյվիդ Ուրբանեhա-Ֆուրելոսը, գրում է jnews.ge-ն:
Այս նշանակալի ներդրումը ներառում է մոտավորապես 1,5 միլիարդ դոլար ինքնիշխան ֆինանսավորում և 500 միլիոն դոլար մասնավոր հատվածի աջակցություն: Ուրբանեhա-Ֆուրելոսը կարևորել է ԱԶԲ-ի պատմական կենտրոնացումը էներգետիկ և տրանսպորտային ենթակառուցվածքների վրա՝ նշելով ուշադրությունը դեպի թվային և տեխնոլոգիական ենթակառուցվածքների աջակցությունը, քանի որ տարածաշրջանը մտնում է թվային նոր դարաշրջան:
Վրաստանում, ինչպես նշել է նա, ԱԶԲ-ն դարձել է մասնավոր հատվածի ամենաակտիվ միջազգային ֆինանսական կառույցներից մեկը, կանաչ պարտատոմսերի և կայուն զարգացման, մատչելի բնակարանների և երկաթուղու աջակցության հետ կապված պարտատոմսերի առաջամարտիկը:
Բանկի ռազմավարությունն ընդգծում է ESG-ի (բնապահպանական, սոցիալական և կառավարման) գործոնների, կայունության և նորարարության կարևոր համադրությունը` Կովկասի տարածաշրջանում մասնավոր հատվածի զարգացումն ամրապնդելու համար, ասել է Դեյվիդ Ուրբանեհա-Ֆուրելոսը:
