Crocus International ընկերությունը, որը պատկանում է ադրբեջանցի միլիարդատեր Արազ Աղալարովին, տուժող է ճանաչվել «Կրոկուս Սիթի Հոլ» համերգասրահում «Պիկնիկ» խմբի ելույթի ժամանակ տեղի ունեցած ահաբեկչության գործով։ Դրա մասին ասված է գործի նյութերում, որոնց ծանոթացել է ТАСС-ը։
«Սույն որոշմամբ Crocus International բաժնետիրական ընկերությունը տուժող է ճանաչվել ՌԴ Քրեական օրենսգրքի 205, 205.5, 222, 223.1 հոդվածներով (ահաբեկչական գործողություն, զենքի և պայթուցիկ նյութերի ապօրինի շրջանառություն, մասնակցություն ահաբեկչական կազմակերպության գործունեությանը) հատկանիշներով հարուցված գործերով»,- ասված է գործի փաստաթղթերից մեկում։ Ընկերությունը ահաբեկչության հետևանքով այրված «Կրոկուս Սիթի Հոլ»-ի սեփականատերն է և ներկայում չի շահագործվում։
Ըստ Քրեական դատավարության օրենսգրքի՝ տուժողն իրավունք ունի ամբողջությամբ ծանոթանալու քրեական գործի նյութերին, մասնակցելու դատաքննությանը, ապացույցներ, միջնորդություններ ներկայացնելու և վնասի հատուցման քաղաքացիական հայցով։ Եթե իրավաբանական անձը տուժող է ճանաչվում, այդ բոլոր իրավունքները նա իրականացնում է իր ներկայացուցչի միջոցով։
Ավելի վաղ հաղորդվել էր, որ ՌԴ Քննչական կոմիտեն ավարտել է Կրասնոգորսկում «Կրոկուս Սիթի Հոլ» համերգասրահում տեղի ունեցած ահաբեկչության հետաքննությունը:
