Ադրբեջանում 5,7 մագնիտուդ ուժգնությամբ երկրաշարժ է եղել. բաքվեցիները հիմա փողոցներում են
Ադրբեջանի տարածքում՝ Խաչմազ քաղաքից 46 կմ հյուսիս-արևելք, տեղի է ունեցել 5,4 մագնիտուդով երկրաշարժ:
Ադրբեջանի հանրապետական սեյսմոլոգիական ծառայությունը հայտնել էր 5,7 մագնիտուդ ուժգնության մասին։ Բաքվի բնակիչները լքել են իրենց տները։ Նրանք շարունակում են մնալ փողոցում՝ վախենալով հետցնցումներից։
Միաժամանակ Դաղստանի արտակարգ իրավիճակների նախարարությունը ՌԻԱ Նովոստիին հայտնել է 5,9 մագնիտուդ ուժգնության մասին։ Նախարարության տվյալներով՝ երկրաշարժը տեղի է ունեցել Դերբենտից դեպի Ադրբեջան 100 կմ հեռավորության վրա։
