Նիկոլական Հայաստանը հրաժարվել է Արցախից,- «Փաստինֆո»-ի հետ զրույցում ասաց քաղաքագետ Սերգեյ Շաքարյանցը՝ անդրադառնալով Ռուսաստանի ԱԳՆ նախարար Սերգեյ Լավրովի տարածաշրջան կատարած այցին։
Նշենք, որ Ռուսաստանի ԱԳՆ նախարար Սերգեյ Լավրովի այսօր ժամանել է Երևան, որի ընթացքում նախատեսվում են նրա հանդիպումները Հայաստանի ԱԳՆ նախարարի ժամանակավոր պաշտոնակատար Արա Այվազյանի, և Հայաստանի վարչապետի ժամանակավոր պաշտոնակատար Նիկոլ Փաշինյանի հետ, որից հետո Լավրովը կմեկնի նաեւ Բաքու: Ինչ սպասել այս այցից, արդյոք այն կարող է որոշակի տեղաշարժ մտցնելու Լեռնային Ղարաբաղի հակամարտության կարգավորման գործում։
Ըստ Շաքարյանցի՝ դժվար է միանշանակ նշել, թե ինչ կարելի է սպասել այդ այցից, սակայն արձանագրեց Մինսկի խմբի երկու համանախագահների՝ Ռուսաստանի և Ֆրանսիայի, հայտարարությունը, որ Մինսկի խմբի ձևաչափը պետք է պահպանվի, բնականաբար, փոփոխված օրակարգով:
«Պետք է, իհարկե ճնշում գործադրել, որպեսզի ադրբեջանացիները բանակցեն Մինսկի խմբի ձևաչափում»,- ասել է Շաքարյանցն ու ավելացրել. «Մի բան կարող եմ ասել միանշանակ` Նիկոլական Հայաստանը թքած ունի Արցախի վրա: Մենք այլևս չենք հանդիսանում Արցախի անվտանգության կամ անկախության երաշխավորը: Այն, ինչին, որ հասել են Թուրքիան և Ադրբեջանը քայլարածների օգնությամբ, դա ամերիկացի Գոբլի ծրագիրն է: Եվ հիմա ադրբեջանցիները Մեղրիով միջանցք են բացում»:
«Մենք տեսնում ենք, որ Մինսկի խմբի համանախագահներից երկուսը պնդում են, որ բանակցային գործընթացը պետք է վերսկսվի, մենք պետք է հաշվի նստենք Ռուսաստանի և Ֆրանսիայի հետ»,- շեշտել է Շաքարյանցը:
Աղբյուր` Փաստինֆո
