Ադրբեջանը կոչ է անում արցախցիներին հանձնել զենքերը և չոչնչացնել փաստաթղթերն ու գույքը
Ադրբեջանի Պետական անվտանգության ծառայությունը (ՊԱԾ) Ղարաբաղի շրջանի հայ բնակիչներին կոչ է արել հնարավորինս արագ հանձնել զենքերը. այս մասին տեղեկություն է տարածել Պետական անվտանգության ծառայության մամուլի ծառայությունը։
«Պետական անվտանգության ծառայությունը կոչ է անում Ղարաբաղի մարզի հայ բնակչությանը հնարավորինս արագ հանձնել զենքերը և զերծ մնալ անօրինական գործողություններից, փաստաթղթերի, գույքի ոչնչացումից, որոնք վտանգ են ներկայացնում Ղարաբաղի տարածաշրջանի ընդհանուր զարգացմանը։ Ադրբեջանի Հանրապետության, ինչպես նաև հայ բնակչության բարեկեցության, խաղաղության պայմաններում ադրբեջանական հասարակության մեջ նրանց վերաինտեգրման, սոցիալական և հումանիտար խնդիրների լուծման, օրինականության և կարգի, կայունության և հասարակական անվտանգության պաշտպանության հարցերում: Զենքը հանձնած և Ադրբեջանի Հանրապետության օրենսդրության պահանջներին համապատասխանող ազգությամբ հայ անձանց իրավունքների և ազատությունների պաշտպանությունը լիովին երաշխավորված է»,- ասված է հաղորդագրության մեջ։
