Երեկ Հ1-ում բանավեճի ժամանակ լրբացած Ալեն Սիմոնյանն ասել է, թե Վարդենիսում ադրբեջանական դիրքերի հետ կապված՝ Արման Թաթոյանը սուտ է խոսում ու մի հատ էլ սպառնացել է, թե ես պատասխան եմ տալու՝ նկատի ունենալով, որ ինձ դատի են տալու։ Այսօր ֆեյսբուքյան ուղիղ եթերում դիմելով ԱԺ նախագահ Ալեն Սիմոնյանին՝ այս մասին ասաց «Միասնության թևեր» կուսակցության առաջնորդ Արման Թաթոյանը։
«Ուրեմն, ա՛յ տղա, լսի. Թաթոյանը երբեք չի անում հայտարարություններ՝ առանց փաստերի։ Թաթոյանն ապացույցներով, արբանյակային լուսանկարներով է ցույց տվել, որ Վարդենիսում՝ ՀՀ տարածքի մեջ, Ադրբեջանը 2025 թվականի ամռանն Ադրբեջանը նոր դիրք է կառուցել։ Իրենց դիրքերի միջև՝ ՀՀ տարածքի մեջ, նոր ճանապարհներ են կառուցում, կրակային կետեր են դրել, արևային պանելներ են դրել։
Իսկ այ դո՛ւք պատասխան եք տալու, թե ինչ օրը գցեցիք մեր երկիրը, ինչ փորձանքներ բերեցիք մեր ժողովրդի գլխին։ Եկաք ձեր բարեկամներով միլիոնավոր դոլարների տենդերներ շահեցիք մեր պետությունից, ախպերդ ասֆալտի ընկերությունով միլիոնավոր դոլարների տենդերներ շահեց ու սնանկացրեց ու անհետացավ։ Այ դրա համար պատասխան եք տալու։ Ու ինձ էլ դատի չտվողի…
Ա՛յ տղա, չնայած՝ քեզնից ի՞նչ տղա։ Իմ համար տղա չի էն պաշտոնյան, որ առավել ևս ախրաննիկների ներկայությամբ կարա թքի քաղաքացու վրա, այդպիսի լկտի պահվածք ունենա»,- ասաց Արման Թաթոյանը՝ շեշտելով, որ հայ ժողովուրդը պետք է ազատվի Ալեն Սիմոնյանի նման պաշտոնյաներից։
