ՔՊ-ին զուգահեռ ստեղծվում է պահեստային նոր ՔՊ ու հանուն Ռուսաստանի փլուզման զոհաբերում է արդեն ոչ թե Արցախն, այլ արդեն Հայաստանը.քաղաքագետ

112

Հայաստանի լիկվիդացման ծրագիրը շարունակվում է։ Այս մասին ֆեյսբուքյան իր էջում գրել է քաղաքագետ Ստեփան Դանիելյանը։

«ՔՊ-ին զուգահեռ ստեղծվում է պահեստային ՆՈՐ ՔՊ ու հանուն Ռուսաստանի (մտքում նաեւ Իրանի) փլուզման զոհաբերում է արդեն ոչ թե Արցախն, այլ արդեն Հայաստանը։

Ժամանակին Տրոցկին էր ասում, որ հանուն համաշխարհային հեղափոխության պետք է զոհաբերվի Ռուսաստանն, իսկ հայ կոմունիստներից ոմանք հանուն պրոլետարիատի գաղափարախոսության զոհաբերում էին Հայաստանը’ բառացիորեն հենց այդպես էին ասում։

Դրա լավագույն օրինակը Կովբյուրոյի մեկ ձայնի տարբերությամբ Արցախը Ադրբեջանին հանձնելու որոշումն էր, ու այդ մեկ ձայնը հայ կոմունիստինն էր։

Հիմա նույն է կատարվում, բայց հակառակ նշանով, առաջարկում են հանուն Ռուսաստանի փլուզման զոհաբերել Հայաստանը, այդ ամենը ներկայացնելով մոգական “ազգային” բառով, ու շարքային սպառողն անջատված ուղեղով ծափ է տալիս ու գնում ինքնալիկվիդացման»,֊գրել է քաղաքագետը։