Քաղցր գազավորված ըմպելիքների հաճախակի գործածումը ժամանակի ընթացքում կարող է նպաստել դեռահասների ագրեսիվ պահվածքին։ Այս մասին նշված է Բիրմինգհեմի Ալաբամայի համալսարանի նոր հետազոտության մեջ, որը հրապարակվել է Journal of Adolescent Health-ում։
Հետազոտությունը ցույց է տվել, որ 11 եւ 13 տարեկանում քաղցր ոչ ալկոհոլային ըմպելիքների գործածումը կարող է առաջացնել ագրեսիվ պահվածք։ 13 տարեկանում ագրեսիվ պահվածքը նաեւ կանխատեսել է 16 տարեկանում քաղցր ըմպելիքների գործածման հակումը։
Այս հետազոտության արդյունքները ցույց են տալիս, որ դեռահասների կողմից քաղցր գազավորված ըմպելիքների գործածման կրճատումը կարող է նվազեցնել ագրեսիվ պահվածքը, սակայն ոչ մի կերպ չի ազդում դեպրեսիվ ախտանիշների վրա։
Մի շարք հետազոտություններ քաղցր ոչ ալկոհոլային ըմպելիքների գործածումը կապում են դեռահասների հոգեկան խնդիրների հետ։ Այսպես՝ հաճախակի գործածումը կապված էր դեռահասների հիպերակտիվության, դեպրեսիայի եւ անգամ ինքնասպանության հակումների հետ։
Աղբյուր՝ News.am
