Քաղաքական օրակարգ տեսա՞ք, իհարկե` ոչ. Սուրեն Սուրենյանց

Քաղաքագետ Սուրեն Սուրենյանցը գրել է.
Նիկոլի քաղաքական սնանկության, ձախորդության ու ապաշնորհության համատեքստում` երկու նախագահներով, երկու դաշինքներով, էսքան ջանքերով, եկեղեցին էլ վրադիր, հավաքվեց 15000-ին մոտ մարդ։
Ու գիտե՞ք` ինչն է պատճառը։
Քաղաքական այլընտրանքի, բովանդակության բացակայությունը։
Էս ժողովուրդը չորս տարի առաջ, միայն Սերժին մերժելու հիմքով, արկածախնդիր մեկին բերեց իշխանության ու երկրորդ անգամ “նույն գետը” չի մտնի, եթե հստակ քաղաքական տեքստեր, երկրի զարգացման տեսլական չլսի։
Նոր Ֆրանսիայի հրապարակում քաղաքական օրակարգ տեսա՞ք։
Իհարկե` ոչ։
Տղերք ջան, ես ձեզանից շատ եմ ուզում Նիկոլը հեռանա, բայց հասկացեք` ձեր ֆորմատով ու կենացներով նա հեռացողը չէ, մանավանդ, որ արտաքին խաղացողներին դեռ պետք է։
Սա է ձախողված իշխանության ու անօրակարգ ընդդիմության հարաբերությունների բանաձևը։ Նրանց հարաբերությունները ծնում են ոչ թե քաղաքական մրցակցություն ու դիսկուրս, այլ անտագոնիզմ ու բախումներ։