«Ուժեղ Հայաստան» կուսակցության նախագահ Սամվել Կարապետյանն այսօրվա մամուլի ասուլիսի ժամանակ հայտարարեց՝ Նիկոլ Փաշինյանը հալյուցինոգեն սնկեր է ուտում։
Անդրադառնալով իր հասցեին Փաշինյանի գնահատականներին, «բոմժ» դառնալու և մոտալուտ սնանկացման մասին նրա որակումներին՝ Կարապետյանը շեշտեց՝ Փաշինյանն արդեն 8 տարի է, ինչ նման կարգավիճակով ղեկավարում է երկիրը։
«Ուզում եմ գաղտնիք բացել, որ շատ ուշադրություն չդարձնեք վարչապետի ասածներին։ Անցյալ տարի, երբ նա գնացել էր Չինաստան, դուք գիտեք՝ այնտեղ կան հատուկ սնկերի ռեստորաններ, որոնք մարդկանց մոտ հալյուցինացիաներ են առաջացնում։ Նա այնտեղ փորձել էր, դուրը եկել էր։ Իմ տեղեկություններով՝ նա իր հետ բերել է 1 տոննա», – հայտնել է Կարապետյանը։
Երբ նա բարձրանում է ամբիոն, անպայման օգտագործում է այդ սնկերից։ Իր կյանքի երազները կարող է ամբիոններից դուրս տալ։ Դա այդ սնկերի շնորհքն է։ Դրա համար շատ լուրջ մի ընդունեք։ Ամեն ինչ գնում է իր հունով, ինքն արդեն ցայտնոտի մեջ կանի հայտարարություններ, մեր ժողովուրդը հունիսի 7-ին կգնահատի։ Նա 30 օր իր երազնները պատմելու է, ես ի՞նչ է, ամեն օր պիտի մեկնաբանե՞մ», – ասաց Կարապետյանը։
Նշենք, որ քիչ առաջ Փաշինյանն արձագանքել է Սամվել Կարապետյանի՝ հալյուցինոգեն սնկերի մասին հայտարարությանը՝ տեղեկացնելով, որ դատի է տալու նրան։ Փաշինյանն այդ հայտարարությունը «տխմար» է որակել։
«Բառիս իրավական իմաստով մի տոննա հալյուցինացիա առաջացնող սունկ եմ կերցնելու կալուգացի օլիգարխին»,- ասել է Փաշինյանը։
