«Գախարիան հանուն Վրաստանի» կուսակցության նախագահը Գիորգի Գախարիան պատասխանել է նորընտիր խորհրդարանի աշխատանքներին մասնակցելու մասին հարցին։
«Մեր կուսակցությունը լեգիտիմություն չի տա «Վրացական երազանք»-ի ոչ լեգիտիմ խորհրդարանին և վե՛րջ»,- հատուկ ճեպազրույցում ասել է Գախարիան։
Այսպիսով, անցողիկ շեմը հաղթահարած չորս ընդդիմադիր կուսակցությունները հայտարարել են, որ բոյկոտելու են նոր խորհրդարանը, գրում է ekhokavkaza.com-ը:
Գախարիային հարցրել են նաև Ռուսթավելի պողոտայում այսօր երեկոյան կայանալիք բողոքի ակցիային մասնակցելու մասին.«Բողոքի ակցիան շատ կարևոր է. Մենք կլինենք այնտեղ, որտեղ մեր ընտրողներն են, ինչպես եղել ենք մինչ այժմ և կլինենք ապագայում»:
