Արարատյան հայրապետական թեմն ավանդույթի համաձայն՝ ամեն տարի Սուրբ Սարգսի տոնին մեծ հանդիսություն է կազմակերպում՝ բեմականացում, երգ-երաժշտություն, ծեսեր, Սուրբ Սարգիս եկեղեցուց երթ՝ դեպի Սիրահարների այգի: Թեմի հետ համագործակցելով՝ «Բուկինիստ» գրախանութն իրականացնում է գրքերի վաճառք՝ գաղտի պահելով գնորդի անունը և նվեր-գիրքը խորհրդավոր գնորդի անունից փոխանցելով հասցեատիրոջը:
Այս տարի Սուրբ Սարգսի տոնը հունվարի 30-ին է: Արարատյան հայրապետական թեմը տոնական հանդիսություն չի անցկացնի: Ավանդական բոլոր ծրագրերը չեղարկվել են։ Այս տարի ուշադրության կենտրոնում զինծառայողներն են:
«Բուկինիստի» հետ ակցիայի հասույթը փոխանցվելու է վիրավոր զինվորների բուժօգնությանը։
