Ես ամեն շաբաթ լինում եմ Ծիծեռնակաբերդի հուշահամալիրում. վերջին անգամ եղել եմ 2025 թվականի դեկտեմբերի 30-ին։ Դեկտեմբերի 31-ից հունվարի 4-ը ներառյալ շինարարական աշխատանքները դադարեցված են եղել. դրանք վերսկսվել են հունվարի 5-ից։ Այսօր տեղի ունեցած ասուլիսի ժամանակ այս մասին ասացԿԳՄՍ նախարար Ժաննա Անդրեասյանը։
«Հուշահամալիրն այսօր էլ է բաց, և այն որևէ օր չի փակվել։ Թանգարանը ևս բաց է, հուշահամալիրն ու թանգարանը չեն փակվելու որևէ օր, այդ թվում՝ նաև ապրիլի 24-ին։
Այո՛, սկսված աշխատանքներն ավարտին հասցված կլինեն, և դրա համար արվում է անհրաժեշտ աշխատանքը։ Սկսել ենք 3 մույթերի քարե սալերի տեղադրման աշխատանքները։ Կարող եմ վստահաբար ասել, որ աշխատանքներն արվում են պատշաճ որակով։ Ինձ հետ այցերի ժամանակ լինում են մասնագետներ, և ես առանձին անդրադառնում եմ մասնագիտական դիտարկումներին։ Մեր քաղաքացիները կարող են որևէ մտահոգություն չունենալ. աշխատանքներն ապրիլի 24-ին ավարտված կլինեն»,- ասաց Ժաննա Անդրեասյանը։
