Սա բնավ իրավական գործընթաց չէ. մենք ակնհայտ օրինաչափություն ենք տեսնում, որ թիրախում մեր քաղաքական ուժն է, լրագրողների հետ զրույցում այսօր ասաց «Ուժեղ Հայաստան» կուսակցության խորհրդի անդամ Գոհար Մելոյանը։
«Մենք այն քաղաքական ուժն ենք, որը ծագել է մեր արժեքների պահպանումից։ Մեկ նախադասության հիմքով մեր առաջնորդը՝ Սամվել Կարապխետյանն, ապօրինի ազատազրկվել է և 10 ամիս է՝ ազատազրկված է։ Մենք տեսնում ենք, որ դրա արդյունքում բազմահազարանոց քաղաքական ուժ ենք դարձել, որը լայնամասշտաբ հանրային աջակցություն ունի։
Այս ջղաձգումները հանրային աջակցության դրսևորման հետևանքներ են, որովհետև իշխանությունը հասկացավ, որ մենք ձնագնդիի էֆեկտով շարունակելու ենք։
Մենք խնդիր ունենք կայանալու որպես իրավական պետություն։ Խոսում են իրավական պետությունից. սա՞ է ձեր ժողովրդավարությունը։ Մենք երկակի ստանդարտների իրականությունում ենք. դեպքեր են արձանագրվում, որ ՔՊ-ի թիմակիցները բարեգործական գործունեությամբ են զբաղվում, և դա անհետևանք է մնում՝ ի տարբերություն մեր քաղաքական ուժի»,- ասաց Գոհար Մելոյանը։
