Այսօր ՌԴ նախագահ Վլադիմիր Պուտինը նշել է, որ ժամանակակից պատմության մեջ առաջին անգամ Ռուսաստանն ունի ամենակատարյալ զենքը, որը ոչ ոք չունի, հաղորդում է ՏԱՍՍ գործակալությունը։ :
Զինագործի օրը ՌԴ ղեկավարը շնորհավորել է ռազմարդյունաբերական համալիրի բոլոր աշխատակիցներին և վետերաններին, ովքեր կատարում են ամենակարևոր խնդիրը՝ «ստեղծել զենքի նոր ու յուրօրինակ տեսակներ, որոնք ի վիճակի կլինեն երկիրը պաշտպանել ցանկացած արտաքին ոտնձգությունից»:
«Հիմա, մեր նորագույն պատմության մեջ առաջին անգամ, Ռուսաստանը տիրապետում է զենքի ամենաժամանակակից տեսակներին, որոնք իրենց հզորությամբ, արագությամբ ու ճշգրտությամբ մի քանի անգամ գերազանցում են գոյություն ունեցողներին։ Աշխարհում ոչ ոք չունի այդպիսի զենք, ամեն դեպքում, դեռևս չունի», շեշտել է Պուտինը:
Բացի դրանից, Պուտինը «Ավանգարդ» հիպերձայնային հրթիռների վրա կատարված աշխատանքը համեմատել է ԽՍՀՄ միջուկային ծրագրի իրականացման ծավալների հետ:
