Երևանի Իսակովի պողոտայում գտնվող մոտ 6 հազար քմ տարածքը, որ նախկինում եղել Պաշտպանության նախարարության հաշվեկշռում, սակայն կառավարության` 2022 թվականի ապրիլի 15-ի որոշմամբ այս և ևս 70 տեղամասեր որպես ավելորդ շինություններ, պետական գույքի կառավարման կոմիտեին են հանձնվել հետագա մասնավորեցման համար, կառավարության այսօրվա որոշմամբ՝ կդրվի սեփականացման։։
Հողամասի կադաստրային արժեքը կազմում է մոտ 344,3 մլն դրամ կամ ավելի քան 880 հազար դոլար:
Այլ որոշումներով աճուրդի կհանվեն ևս մի քանի հողակտորներ, այդ թվում՝ Նորք-Մարաշ վարչական շրջանի Գ. Հովսեփյան փողոցում գտնվող երկու և երեք հազար քմ մակերեսով երկու հողակտոր, ինչպես նաև մի շարք այլ հողակտորներ:
