Ուղիղ. ԱԺ աշնանային նստաշրջանն սկսվել է

Հայաստանի Ազգային ժողովն այսօր՝ սեպտեմբերի 8–ին, մեկնարկել է իր աշնանային նստաշրջանը։ Առաջին քառօրյա նիստերի օրակարգում ընդգրկված է 42 հարց, որոնցից երկուսը քննարկվելու են երկրորդ ընթերցմամբ։ Այն մեկնարկեց Հայաստանի օրհներգի կենդանի կատարմամբ։

Օրակարգում են, մասնավորապես, հետեւյալ հարցեր.

Հայաստանի Հանրապետության հանրային ծառայությունները կարգավորող հանձնաժողովի անդամի ընտրություն,

Վճռաբեկ դատարանի քրեական պալատի դատավորի թեկնածուի ընտրություն,

Հայաստանի Հանրապետության կենտրոնական բանկի գործունեության վերաբերյալ տարեկան հաղորդում,

Կոռուպցիայի կանխարգելման հանձնաժողովի 2024 թվականի գործունեության վերաբերյալ հաղորդում,

Հայաստանի Հանրապետության հաշվեքննիչ պալատի 2024 թվականի գործունեության վերաբերյալ տարեկան հաղորդում,

Հայաստանի Հանրապետության պետական եկամուտների կոմիտեի 2024 թվականի գործունեության մասին հաղորդում։