ՌԴ նախագահը նշել է՝ Լեռնային Ղարաբաղում հակամարտության վերջնական կարգավորմանը մոտ ենք եղել մի քանի անգամ, պատերազմից հնարավոր էր խուսափել, եթե ներկա պայմանավորվածություններն ավելի վաղ ձեռք բերվեին: Այս մասին հայտնում է ՌԻԱ-Նովոստին:
«Շուշիի հանձնումը երբեք չի բարձրացվել, այն ի հայտ է եկել այս հակամարտության ընթացքում»,- հայտնեց Պուտինը։
Պուտինը վստահեցրել է, որ հոկտեմբերին Ալիևին համոզել է դադարեցնել ռազմական գործողությունները Լեռնային Ղարաբաղում՝ պայմանով, որ փախստականները կվերադառնան Շուշի, բայց Հայաստանը դեմ է եղել:
ՌԴ նախագահը խոստովանել է, որ իր համար անհասկանալի է եղել, թե ինչու է Հայաստանը հրաժարվել թույլ տալ ադրբեջանցի խաղաղ փախստականների վերադարձը Շուշի:
Հիշեցնենք՝ երեկ ՀՀ վարչապետը խորհրդարանում հայտարարեց, որ բանակցային բոլոր փաստաթղթերում Շուշիի հանձնման հարց է դրված եղել: Դրան հաջորդեց ՀՀ ԱԳՆ հերքումը: ԱԳՆ-ից հայտնեցին, որ Շուշիի հարց որևէ բանակցային փաստաթղթում չի եղել:
Աղբյուր` 24news.am
