Անչափ շնորհակալ եմ պարոն քաղաքապետ, Տիգրան Ավինյանին ինձ շնորհած մրցանակի համար։
Այդ մասին ֆեյսբուքյան իր էջում գրել է աշխարհահռչակ օպերային երգիչ Պլասիդո Դոմինգոն։
«Շնորհակալ եմ զարմանալի մշակութային նախաձեռնությունների համար, որ ձեռնարկել եք՝ հատկապես երեխաների և դեռահասների համար երաժշտական նախագծեր ստեղծելու գործում»,- նշել է նա։
Հիշեցնենք, որ Համաշխարհային երաժշտարվեստի, ինչպես նաև Երևան քաղաքի մշակութային կյանքի զարգացման գործում ներդրած նշանակալի ավանդի համար Տիգրան Ավինյանը երաժշտարվեստի աշխարհահռչակ գործչին պարգևատրել է Երևանի քաղաքապետի ոսկե մեդալով:
Ճանաչված արտիստը հոկտեմբերի 8-ին Հայաստանի ազգային ֆիլհարմոնիկ նվագախմբի հետ հանդես է եկել համերգով:
