Փաշինյանն այսօրվա երկրորդ ուղիղ եթերի տեսաուղերձում ասել է, թե Ստեփանակերտում ադրբեջանական զորք չկա։
Նաև հերքել է այն տեղեկությունները, թե Հայաստանի իշախնությունները չեն ցանկանում ընդունել արցախցիներին։
«Այն պահից, երբ հրադադար է հաստատվել, մեր ունեցած տեղեկատվությամբ ՊԲ-ն շարունակում է մնալ այն տեղերում, որտեղ իրենք գտնվել են հրադադարի հաստատման պահին, նույնը համապատասխանաբար վերաբերում է նաև Ադրբեջանի ԶՈւ-ին: Ես տեսա՝ տեղեկություններ կան, որ Ստեփանակերտում են ադրբեջանական զորքեր, բայց այդպիսի բան չկա: Իհարկե, կա կոմունիկացիայի խնդիր և բարդություններ: Որքանով տեղեկացել եմ Ղարաբաղի մեր գործընկերներից, դեպի Մարտակերտ և Մարտունի տանող ճանապարահներին որոշակի խնդիրներ կան, բայց ընդհանուր առմամբ իրավիճակը կայուն է»,- ասել է Նիկոլ Փաշինյանը:
Արցախցիներին Հայաստանում կեցության պայմաններով ապահեվելու մասին էլ հայտնել է.
«Այս շաբաթվա սկզբին դեռ հանձնարարական եմ տվել, որ աշխատանքային խումբ ձևավորվի ԼՂ-ից տեղահանված, փախստական դարձած մարդկանց տեղափոխության ու կեցության կարիքները հոգալու համար։ Նման բան չկա, որ հատուկ տարածում են թեման, թե Հայաստանը չի ցանկանում ընդունել ԼՂ-ից եկող մարդկանց»։
