Բաղրամյան պողոտայում Բագրատ Սրբազանը կրկնեց իր առաջարկը՝ ուղղված ՔՊ-ին ու Նիկոլ Փաշինյանին․ նա նշեց, որ ինքը պատրաստ է մենակ գնալ ու հանդիպել նրանց հետ, եթե այդքան համարձակություն կունենա ոստիկանական շարքերի հետևում թաքնված իշխանությունը։
«Կրկնում եմ՝ 50-70 հոգով հավաքվեք, ուզու՞մ եք՝ 100 հոգով, էն ականջ, լեզու կտրող «լավ տղերքով» հավաքվեք, ես մեն-մենակ՝ ձեր դիմաց։ Որտեղ ուզում եք՝ հավաքվեք։ Ուզում եք՝ խորհրդարանում, ձեր հաստ պատերի հետևում, ուզում եք՝ բաց տեղերում, հրապարակային, որտեղ ուզում եք, կապ չունի։
Դուք էս ժողովրդի վրա ձեռք եք բարձրացրել։ Վախը ծնկներիդ մեջ, և լեզուներդ կապ ընկած, Հեյդարի որդու առջև ծնկած՝ լքլքալով եք խոսում, բայց էս ժողովրդի վրա ձեռք եք բարձրացնում»,- ասաց Սրբազանը։
«Ըստ մեր տեղեկությունների՝ նա թաքնվել է Կառավարության շենքում ու հիմա մենք գնալու ենք այնտեղ ու պատասխան պահանջենք այս ապօրինության համար։
Այդ մարդն ամբողջ օրերին պետք է փախուստի մեջ լինի, եթե այնտեղից էլ փախնի, վստահ եմ, որ ամառանոց չի գալու, որովհետև վախեցած է։
Այդ մարդը ճողոպրել է ԱԺ-ից, բայց ուր որ գնացել է, ուզո՞ւմ եք գնանք բռնենք:
Ուր ուզում ես փախի, պետք լինի մենակով կգանք, պետք լինի ժողովրդով կգանք, պետք լինի էշով կգանք, պետք լինի մետրոյով կգանք»,- ասաց Սրբազանը։
Շարժման մասնակիցները քայլում են դեպի Կառավարության շենք։
Հետևեք մեզ Տելեգրամում։
