Մոսկվան կոչ է անում Բաքվին եւ Երեւանին վերադարձնել պահվող անձանց «բոլորը՝ բոլորի դիմաց» սկզբունքով։ Այս մասին ամենշաբաթյա ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Կցանկանայի ընդգծել, որ Ռուսաստանին դուր չեն գալիս ինչ-որ աշխարհաքաղաքական եւ այլ խաղեր այս բնույթի հումանիտար խնդիրների շուրջ։ Մոսկվան հետեւողականորեն կոչ է անում Բաքվին եւ Երեւանին վերջնականապես փակել այս հարցը՝ վերադարձնել ձերբակալվածներին «բոլորը բոլորի դիմաց» բանաձեւով, ասել է Զախարովան։
