Միգուցե այնպիսի պատճառներ կան ագրեսիայի և անհանդուրժողականության, որ իրավական մեխանիզմներն անզոր են. այս մասին «Իրավական պետության ռիսկային իրականությունը» թեմայով քննարկման ժամանակ ասաց փաստաբան Վարազդատ Հարությունյանը:
«Եթե պետության քաղաքականությունը միայն ռեակցիոն է՝ ագրեսիա և պատիժ, ու չկա կանխարգելող որևէ գործողություն, նշանակում է, որ այդ պատճառները սնուցելու են անընդհատ, ագրեսիան ահագնանալու է, և քո իրավապահ համակարգը, եթե ուզի էլ, չի կարողանալու արձագանքել ու համարժեք զսպման գործողություններ անել: Պետության պատժիչ քաղաքականությունը բավարար չէ հանցավորության աճը զսպելու համար, պետք է կանխարգելիչ քաղաքականություն»,- նշեց Վարազդատ Հարությունյանը:
Ըստ փաստաբանի՝ հանրային, քաղաքական գործիչների նկատմամբ ճնշումներին ու ռեպրեսիվ գործողություններին զուգահեռ՝ հանցավորության դեմ առկա է պայքարի գրեթե բացակայություն:
Անդրադառնալով այս իշխանության օրոք հարուցված քրեական գործերին՝ փաստաբան Հարությունյանը նկատեց՝ դրանք հաճախ չեն տարվում մինչև տրամաբանական ավարտ, ինչն էլ ունի պատճառներ. «Մարդուն մեղադրյալի կամ ամբաստանյալի վիճակում պահելը նշանակում է անընդհատ այդ մարդու նկատմամբ չդադարող ճնշում գործադրել: Լինելով այդ կարգավիճակում՝ մարդը ուզած-չուզած հոգեբանական, հատուկ հուզական վիճակում է գտնվում:
Երկրորդ նպատակը՝ քանի որ դրանք շինծու քրեական գործեր են, դրանցով մեղադրական դատավաճիռը, թեկուզ Առաջին ատյանի դատարանում մնացականմարտիրոսյանների ձեռքով կայացվելու պարագայում, որ Վերաքննիչ, Վճռաբեկ դատարան են գնալու. իմ տպավորությամբ՝ ամեն հերթական ատյանը գոնե ավելի դժվար է տրվում իշխանություններին»:
Ավելին՝ տեսանյութում.
