Մահացել է հայտնի կինոռեժիսոր, հեռուստառադիոհաղորդավար Տիգրան Քեոսայանը, հայտնել է նրա կինը՝ Մարգարիտա Սիմոնյանը:
«Տիգրանն այսօր երեկոյան գնաց Արարչի մոտ: Շնորհակալություն բոլոր նրանց, ովքեր աղոթեցին: Խնդրում եմ հիմա չզանգահարեք ինձ կամ իմ ընտանիքին: Շնորհակալություն բոլորիդ, շնորհակալություն», – հավելել է Սիմոնյանը:
Հիշեցնենք, որ Տիգրան Քեոսայանը մոտ ինը ամիս անցկացրել է կոմայի մեջ: Ռեժիսորը սրտի հետ կապված խնդիրներ ուներ: Այս ընթացքում նա երբեք գիտակցության չի եկել: Նա 59 տարեկան էր։
