Մահացել է Ռուսաստանի ֆուտբոլային միության առաջին փոխնախագահ և Մոսկվայի «Սպարտակ»-ի լավագույն ռմբարկու Նիկիտա Սիմոնյանը։
Այս մասին հայտնում է Ռուսաստանի ֆուտբոլի վետերանների միության նախագահ Ալեքսանդր Միրզոյանը։ Նիկիտա Պավլովիչ Սիմոնյանը մահացել է 99 տարեկան հասակում։
Նիկիտա Սիմոնյանը մինչև իր կյանքի վերջին օրերը ակտիվորեն ներգրավված էր ռուսական ֆուտբոլում և հոկտեմբերին նշեց իր 99-ամյակը, այդ թվում՝ մասնակցելով իր մտերիմ թիմի՝ «Սպարտակի» խաղին։ Սիմոնյանի կյանքի կենսունակ մասը կապված է կարմիր-սպիտակ ակումբի հետ. որպես խաղացող նա դարձավ ակումբի բոլոր ժամանակների լավագույն ռմբարկուն և չորս անգամ ԽՍՀՄ չեմպիոն, ապա որպես թիմի գլխավոր մարզիչ նվաճեց ևս երկու ազգային առաջնություն։
Նիկիտա Սիմոնյանը որպես ֆուտբոլիստ նաև ոսկե մեդալ է նվաճել 1956 թվականի Օլիմպիական խաղերում Խորհրդային հավաքականի կազմում։ Որպես մարզիչ, բացի «Սպարտակից», նա Երևանի «Արարարատին» դարձել է ԽՍՀՄ չեմպիոն եւ գավաթակիր 1973 թ-ին: Նա «Արարատում» աշխատել է նաեւ 1984-1985-ին:, մարզել է ԽՍՀՄ հավաքականը և Օդեսայի «Չեռնոմորեցը»։ Նիկիտա Պավլովիչը Ռուսաստանի ֆուտբոլային միությունում է 1998 թվականից։ Ռուսաստանի Պրեմիեր լիգան իր անկեղծ ցավակցությունն է հայտնում Նիկիտա Սիմոնյանի ընտանիքին, ընկերներին և գործընկերներին, ասվում է ՌՊԼ հայտարարության մեջ։
Ֆուտբոլում ունեցած ակնառու նվաճումների համար Սիմոնյանը պարգևատրվել է ՄՕԿ-ի և ՖԻՖԱ-ի շքանշաններով, «Հայրենիքին մատուցած ծառայությունների համար» 3-րդ և 4-րդ աստիճանների շքանշաններով, ինչպես նաև «Ռուսաստանի Դաշնության ֆիզիկական կուլտուրայի վաստակավոր աշխատող» պատվավոր կոչմամբ։ Հոկտեմբերին Սիմոնյանին շնորհվել է Ռուսաստանի Աշխատանքի հերոսի կոչում՝ պետությանը մատուցած բացառիկ ծառայության և ռուսական ֆուտբոլի զարգացման ու մասսայականացման գործում ունեցած նշանակալի ներդրման համար։
