Ձե՞ր անվտանգությունն է ձեզ համար ավելի կարևոր, թե՞ ինքնապաշտպանական բնազդները բթացնող քարոզչությունը

Նշաձողերը երեկվա հանդիպումից հետո արդեն այնքան է իջեցված, որ սա արդեն մեր ֆիզիկական գոյության հարցն է. ամեն մեկիս բառացիորեն ֆիզիկական գոյության։ Այս մասին ֆեյսբուքյան իր էջում գրել է ադրբեջանագետ Անժելա Էլիբեգովան՝ արձագանքելով ԵԽ նախագահ Շառլ Միշելի հայտարարությանը:
Նա նաև նշել է. «Գուցե դուք վտանգի լրջությունը մինչև վերջ չեք գիտակցում կամ չեք ուզում հավատալ, որ 21-րդ դարում սա հնարավոր է, բայց այն մարդիկ, ովքեր դուրս են եկել փողոց պայքարելու, ունեն ինքնապաշտպանական բնազդ ու պայքարում են նաև չհավատացողների փոխարեն։ Իշխանությունը արդեն բազմիցս ցույց է տվել, որ մարդու կյանքը և անվտանգությունը իրենց համար արժեք չունեն, ու մարդիկ սկսեցին ինքնակազմակերպվել։ Դուք էլ մտածեք՝ ձե՞ր անվտանգությունն է ձեզ համար ավելի կարևոր, թե՞ ինքնապաշտպանական բնազդները բթացնող քարոզչությունը»։