«Հումանիստ», երբ տեսախցիկը միացված է. գազան, երբ այն անջատված է

45

Մեկ շաբաթ առաջ ադրբեջանցիները տեսանյութ էին տարածել, թե ինչպես են վիրակապում վիրավորված հայ զինվորին։ Իրենց մարդասեր ցույց տալու համար, թե իբր աշխարհ, տես, ինչպես ենք բուժօգնություն ցույց տալիս թշնամու զինվորին, խնամքով վիրակապում են, հետո վիրավոր զինվորին գերի տանում։

Վիրավոր հայ զինվորը ժամկետային զինծառայող, 2002 թվականին ծնված Դավիթ Գիշյանն է։

Սեպտեմբերի 17-ին Բաքուն Հայաստանին հանձնեց 32 հայ զինվորի մարմին։ Նրանց մեջ էր Դավիթ Գիշյանի դին։

Այսպես է Ադրբեջանը ներկայացնում իրեն աշխարհին՝ հումանիստ, երբ տեսախցիկը միացված է։ Իսկ իրականում վիրավոր հայ զինվորին սպանել են ու հանձնել Հայաստանին, բայց, պարզ է, որ աշխարհը չգիտե, որ «մեծահոգաբար» Հայաստանին հանձնած 32 հայ զինվորների մեջ է նաև ադրբեջանցիների ձեռքով տեսախցիկի առաջ վիրակապված, իսկ տեսախցիկից դուրս՝ նույն ձեռքով սպանված Դավիթ Գիշյանը։