Հայաստանը պաշտպանել է COP-29-ն ընդունելու Ադրբեջանի թեկնածությունը։ Հայաստանի Հանրապետությունն իր աջակցությունն է հայտնում ՄԱԿ-ի Կլիմայի փոփոխության կոնֆերանսի 29-րդ նստաշրջանը («COP-29») հյուրընկալելու նպատակով Ադրբեջանի Հանրապետության ներկայացրած հայտին և հանում է իր թեկնածությունը:
«Որպես բարի կամքի դրսևորում՝ Հայաստանի Հանրապետությունը հանում է իր թեկնածությունը՝ ընդունելու ՄԱԿ-ի Կլիմայի փոփոխության շրջանակային կոնվենցիայի (COP-29) Կողմերի համաժողովի 29-րդ նստաշրջանը՝ ի պաշտպանություն Ադրբեջանի Հանրապետության թեկնածության։ Ադրբեջանի և Հայաստանի Հանրապետությունները հուսով են, որ Արևելյան Եվրոպայի խմբի մյուս երկրները նույնպես կպաշտպանեն «Ադրբեջանի թեկնածությունը COP-29»-ին,- ասված է հաղորդագրությունում։
