«Համեր» մակնիշի ավտոմեքենայի վարորդի նկատմամբ երկու ամիս ժամկետով կալանավորումը որպես խափանման միջոց կիրառելու վերաբերյալ ՔԿ քննիչի միջնորդությունը դատարանը բավարարել է. հայտնում է ՔԿ մամուլի խոսնակ Գոռ Աբրահամյանը։
Հիշեցնենք, որ հայտնի «Համերի» վարորդը փետրվարի 10-ին՝ ժամը 23։00-ին, Երևանի կենտրոնական փողոցներով վարել է մեքենան՝ չենթարկվելով ոստիկանների հրահանգներին, խախտումներ անելով, անցնելով նաև մայթերով ու քաղաքի ոչ թույլատրելի հատվածներով։
Նրան մեղադրանք է ներկայացվել ՀՀ քրեական օրենսգրքի 264-րդ հոդվածի 2 մասի 6 կետով, 297-րդ հոդվածի 1 մասով, 396-րդ հոդվածի 2 մասով, 452-րդ հոդվածի 3-րդ մասով։
