Արցախի Հանրապետության արտաքին գործերի նախկին նախարար Արման Մելիքյանն անդրադարձել է Փաշինյանի՝ Վաշինգտոնում արած այն հայտարարությանը, թե իբր պարտությունը մեզ անկախություն ունենալու հնարավորություն է տվել։
Մելիքյանը հետևյալ դիտարկումն է արել.
Ուշագրավ պնդում է «պարտության միջով անցնելով՝ ձեռք ենք բերել ինքնիշխան պետություն ունենալու հնարավորություն»։
Տրամաբանություն կա այստեղ։ Այդ տրամաբանությունը բխում է պարտության պատասխանատուի կողմից պարտության արդարացման անհրաժեշտությունից։
Բայց այդ տրամաբանությունը նաև մեզ «վնասակար մտավարժանքների» գիրկն է գցում։ Դրանցից առավել աչքի ընկնողն այն պնդումը կլինի, որ հաղթանակի դեպքում մենք ինքնիշխան պետություն ունենալու հնարավորությունից կզրկվեինք։
Ուստի, անպայման պիտի պարտվեինք, որպեսզի մեր ազգային երազանքն իրականություն դառնար։
