Սփյուռքի գործերի գլխավոր հանձնակատար Զարեհ Սինանյանը Գերմանիայում է։ Հայ համայնքի հետ հանդիպումներից մեկի ժամանակ վիճաբանություն է առաջացել։
-150 միլիոն դոլար է Սփյուռքը Հայաստանին ուղարկել. ի՞նչ եղան այդ գումարները,- ամբիոնի առաջ կանգնած Սինանյանի ելույթն ընդհատելով՝ հարցրել են նրան։
-Լսեք, չեք ուզո՞ւմ լսել։
-Ախր Դուք ի՞նչ պետք է ասեք, Սփյուռքի հավաքած 150 միլիոնն ի՞նչ արեցիք, բերեք էդ փողը ետ տվեք ինձ, ես Նիկոլին չեմ ֆինանսավորում, օք՞, որտե՞ղ են այդ գումարները։
-Դուրս եկեք։
-Դո՛ւք դուրս եկեք։
Դահլիճում կրքերը թեժացել են։
Հիշեցնենք, որ ՀՀ վարչապետ Նիկոլ Փաշինյանը որոշում է ստորագրել՝ նրան և Սփյուռքի գործերի գլխավոր հանձնակատարի գրասենյակի սփյուռքի ներուժի քարտեզագրման և ներգրավման վարչության պետ Կարեն Ավանեսյանին մեկ շաբաթով Գերմանիա գործուղելու մասին՝ Մյունխեն՝ մայիսի 7-9-ը, Քյոլն՝ մայիսի 9-10-ը, Բեռլին՝ մայիսի 10-12-ը, Համբուրգ՝ մայիսի 12-14-ը։
Նրանք Գերմանիայում են համայնքային կառույցների ներկայացուցիչների, կրթամշակութային և գործարար ոլորտի գործիչների հետ հանդիպումներ ունենալու և համագործակցության հետագա ուղիները քննարկելու նպատակով:
