Սրանք երկրի տնտեսության զարգացման մոդել չունեն, իսկ էքստենսիվ զարգացման իներցիան արդեն հանգել է

27000 դրամ օրական։

Շրջանառության հարկի մասին ՀՀ վարչախմբի ղեկավարը ներկայացրել է ինչ-որ վերլուծություն՝ բա թե շրջանառության հարկով գործող տնտեսվարողների 61.4 տոկոսը տարեկան 10. մլն դրամի շրջանառություն է ունեցել, որը օրական կազմում է 27. հազար դրամ.  այդ տվյալներին չենք հավատում,  որոշել ենք բարձրացնել հարկի տոկոսադրույքները։

Հարց 1.

Ինչ՞ու չեք վստահում շրջանառության թվերին, եթե բոլոր տնտեսվարողների մոտ տեղադրված են ՀԴՄ,  բոլորի շրջանառությունը հսկվում է հարկային ծառայության կողմից՝ առցանց ռեժիմով և ստուգայցերով:

Հարց 2.

Եթե հարկատուների շրջանառության տվյալներին չեք հավատում և բավարար չեք գտնում հիշատակված 10. մլն տարեկան շրջանառությունը,  որոշել եք 5 տոկոսի փոխարեն կիրառել 10 տոկոս, այսինքն կրկնակի բարձրացնել, ինչո՞ւ եք պնդում, որ հարկերը իջեցրել եք:

Հարց 3.

Ինչո՞ւ եք կրկնակի բարձրացրել արտադրողների հարկը, որոնք նախկինում վճարվող 3.5 տոկոսի փոխարեն պետք է հիմա վճարեն շրջանառության 7 տոկոս հարկ։

Հարց 4.

Ինչո՞ւ եք պնդում, որ տարիներ շարունակ չնկատելու եք տվել իբր թե չվճարվող հարկերի բացասական դինամիկան և փաստացի ունենալով բոլոր տվյալները՝ խոչընդոտել եք, աչքաթող եք արել հարկային մուտքերի հավաքագրումը։

Հարց 5.

Ինչո՞ւ եք փաստաթղթավորման պահանջի թեզով 5-ից 10 տոկոս դարձրել կոշկակարի, դերձակի, անասնաբույժի, թաղման բյուրոյի, երգ գրողների, պարուսույցի, հոգեբանի, մարզիչների և բազմաթիվ այլ մասնագիտությունների հարկը՝ լավ իմանալով, որ այդ տնտեսվարողը ոչ հանգուցյալից է փաստաթուղթ ստանալու,  ոչ էլ հոգեբանի մոտ եկած պացիենտից:

Ընդամենը հինգ հարցի շուրջ այս խաբեբա պնդումների հեղինակին խորհուրդ ենք տալիս Բաբկեն Թունյանի հետ վերլուծել, թե ինչու է մեր երկիրը աղքատանում անընդհատ.  հասկանալ, որ օրական 27 000 դրամի շրջանառությունն էլ ավելի է նվազելու։

Փմձ կողմից եկամտային հարկի վճարումների մասին, խոշոր բիզնեսի վրա հսկողության մասին ծիծաղելի մոլորեցումների վրա չենք էլ ուզում ծանրանալ։

Որպես վերջաբան։

 Սրանք երկրի տնտեսության զարգացման մոդել չունեն, իսկ էքստենսիվ զարգացման իներցիան արդեն հանգել է, ուստի փորձում են իրականացնել հարկային տեռոր և տուգանքի մատերիալ սարքել ամբողջ ժողովրդին։

Հրայր Կամենդատյան, տնտեսագետ, «Հայաքվե» նախաձեռնության ներկայացուցիչ

Հետևեք մեզ նաև Տելեգրամով։