Անցյալ շաբաթ Երևանի 67 երթուղիները սպասարկել է 3619 շարժակազմ՝ 3937-ի փոխարեն։ Նոյեմբերի 1-7-ը 2 միլիոն 131 հազար 746 ուղևորից տոմսային համակարգից օգտվել է ընդամեննը 578 հազարը, կամ՝ 27,11 տոկոսը։ Նախորդ շաբաթվա համեմատ՝ նեյմեբրի 1-7-ը հավաքագրվել է 24 միլիոն 700 հազար դրամով ավելի գումար։
Երևանի քաղաքապետարանի գործակարգավարական խորհրդակցության ժամանակ Տիգրան Ավինյենն ավելի հստակեցրեց թիվը՝ օրական հավաքագրվել է ընդամենը 3միլիոն դրամով ավելի, քան նախկինում։
Նա անձամբ 24 միլիոն 700 հազար դրամը բաժանեց 7 օրվա վրա ու ստացավ 3 միլիոն դրամ։
Միասնական տոմսային համակարգ ներդնելուց առաջ՝ այս միջանկյալ հատվածում, երբ քաղաքային իշխանությունները սկսել են պարտադրել ավտոբուս նստել կամ 100 դրամանոցով կամ QR կոդով, օրական հավաքագրվում է ընդամենրը 3 միլիոնով ավելի գումար, մինչդեռ նրանք պնդում էին, որ օրական 30 միլիոն դրամ մնում է ստվերում։ Նշանակում է՝ ստվերից հանվել է ընդամենը 3 միլիոն դրամը, ոչ ավելին, 27 միլիոնը էլի մնում է ստվերում։
Եթե հաշվի առնենք, որ քաղաքային իշխանություններն ակնարկում էին, որ ստվերի, գումարի կորստի մեղավորը գումարը գրպանող վարորդներն են, ապա ուղեվարձի վճարման «բարեփոխումից» հետո օրական 3 միլիոն ավել հավաքագրվող գումարը, դիցուք, վարորդների նախկինում գրպանվող, իսկ հիմա արդեն չգրպանվող գումարն է, իսկ ո՞ւր է այն ամենախոշորը՝ 27 միլիոն դրամը։
Իրավունք ունե՞նք հետևություն անելու, որ քաղաքային իշխանությունը դարձյալ ձախողեց ևս մի՝ իր կողմից հորինած ու քաղաքացիների վզին փաթաթած «բարեփոխում»։ Թե բա 100 դրամանոցով կամ QR կոդով ուղեվարձը վճարելու դեպքում բռնելու ենք գողերին, բացահայտելու ենք ստվերը։
Ստվերը ձեր տակն է՝ ոչ վարորդների գրպանում, ոչ մեկ այլ տեղ։ Հենց ձեր տակն է ստվերը։
Ու այսքանից հետո դեռ համարձակվում եք գործակարգավարական նիստ անել, ուղիղ հեռարձակել ու այս հաշվարկներն ուղիղ եթերում հրապարակե՞լ։
Հերթական ապացույցն ինքներդ ձեր մասին ներկայացրիք՝ դիլետանտ, անգրագետ, բոլոր բնագավառներից ու առավել ևս՝ դրանց կառավարումից կիլոմետրերով հեռու, ժողովրդին ու երկիրը ձեր մոգոնած «բարեփոխումների» համար փորձադաշտ դարձրած ձախողակներ եք, որոնց ձեռքն ուղղակի կրակն ենք ընկել։
«Երևան քաղաքը միայն այս տարի 8,5 միլիարդ դրամի դեֆիցիտ է ունեցել՝ պայմանավորված նոր շարժակազմի, նոր տեխնիկայի ձեռքբերմամբ։ 8,5 միլիարդը կազմում է Երևանի եկամուտների 15 տոկոսը։ Երևան քաղաքն ահռելի չափով սուբսիդավորում է տրանսպորը։ Միասնական տոմսային համակարգը հանրային տրանսպորտի որակը պահպանելու միակ բանաձևն է»,- գործակարգավարական խորհրդակցության ժամանակ հայտարարեց Տիգրան Ավինյանը։
8,5 միլիարդ դեֆիցիտ. այդ գումարը, հարգելի երևանցիներ, տրանսպորտի ուղեվարձի եռակի թանկացմամբ ձեր գրպանից է վճարվելու։
