Ադրբեջանական լրատվամիջոցները ջղագրգիռ հրապարակունմներ են անում ու պահանջոււմ պատժել հայ «սադրիչներին»։
Լոս Անջելեսում «Հանրային դիվանագիտության դերը Թուրքիայի արտաքին քաղաքականության մեջ» համաժողովում ադրբեջանցի և թուրք դիվանագետների, ինչպես նաև Արցախում էթնիկ զտման, արցախցիների բռնի տեղահանության փաստի վրա աչք փակող ամերիկացի գործիչների դեմ բողոքի ակցիա իրականացրած սփյուռքահայերը պատասխանատվության կենթարկվեն։
TRT Haber-ին հայտնել է Լոս Անջելեսի Ոստիկանության գլխավոր հանցագործությունների դեմ պայքարի բաժնի գլխավոր տեսուչը։
Նրա խոսքով՝ Լոս Անջելեսում թուրք եւ ադրբեջանցի դիվանագետների վրա հարձակման հետաքննությունը շարունակվում է։
«Մի խումբ հայազգի անձանց կողմից կատարված հանցագործությունը դիտարկվում է որպես ատելության հիմքով հանցագործություն»,- ասել է ամերիկացի ոստիկանական տեսուչը։
Հիշեցնենք, որ սեպտեմբերի 29-ին Լոս Անջելեսում մի խումբ հայեր բողոքի ակցիա են իրականացրել ադրբեջանցի և թուրք դիվանագետների դեմ՝ «Հանրային դիվանագիտության դերը Թուրքիայի արտաքին քաղաքականության մեջ» համաժողովի ժամանակ, որին մասնակցել է Լոս Անջելեսում Ադրբեջանի գլխավոր հյուպատոս Ռամիլ Գուրբանովը։
Բողոքի ակցիան տևել է մոտ 10 րոպե։ Հայերը պատասխանատվություն են պահանջել թուրք և ադրբեջանցի դիվանագետներից Հայաստանի ու Արցախի նկատմամբ տարվող ցեղասպան քաղաքականության համար։
Ոստիկանները նրանց դուրս են բերել դահլիճից։
Միջազգային հարթակներում Ադրբեջանը մանրակրկիտ աշխատում է հակահայ քարոզչության ուղղությամբ՝ հայերին ներկայացնելով սադրիչ ու ահաբեկիչ, իսկ իրեն՝ զոհ ու արդարության պաշտպան։
Քանի որ Հայաստանի իշխանությունների հակաքարոզչությունն աշխատում է միայն սեփական ժողովրդի դեմ՝ նրան լռեցնելու, վախի մթնոլորտում պահելու համար, իսկ միջազգային տեղեկատվական դաշտում նույն իշխանությունները ոչ մի քարոզչություն չեն տանում, միայն լռություն է, որը համաձայնության նշան է՝ Ադրբեջանի կողմից տարվող քաղաքականությանը, հետևանքն էլ սա պետք է լինի՝ «սադրիչ ու ահաբեկիչ հայեր»։
