Հայաստանում գործող իշխանության օրոք անկախ կառույցների ղեկավարներ են նշանակում կամ իշխող կուսակցության անդամներ կա, իշխանության հետ սերտ առնչություն ունեցող մարդիկ, սակայն դա չի արժանանում եվրոպական կառույցների պատշաճ արձագանքին: Այս մասին, այսօր՝ նոյեմբերի 9-ին, «Հայաստանի իրական օրակարգ» թեմայով քննարկման ժամանակ նշեց «Իրավական ուղի» ՀԿ համահիմնադիր Ռուբեն Մելիքյանը:
«Շատ հաճախ անգամ հակառակն է լինում՝ ակնհայտ խայտառակությունները ոչ միայն չեն քննադատվում, այլեւ գովերգվում են: Ես համոզված եմ, որ դա ուղիղ կապված է Արցախի խնդրի հետ: Երբ եվրոպական տարբեր կառույցների ներկայացուցիչներ ուղիղ խոսում են այն մասին, որ մենք պետք է հրաժարվենք Արցախի ինքնորոշման իրավունքից, ապա դա ուղիղ կապի մեջ է, որ նրանք ձայն չեն հանում: Ես այստեղ գործարք եմ տեսնում, փաստորեն մարդիկ իրենց իշխանությունը փոխանակում են ազգային արժեքների հետ»,-ասաց նա:
Ռուբեն Մելիքյանի խոսքով, այս իրավիճակը բերել է նրան, որ անգամ ձեւականություն չի պահպանվում տարբեր գործընթացներ իրականացնելու հետ կապված. «ԲԴԽ-ում արդեն չեն էլ մտածում, թե ինչպես կարելի է այս ամենը քողարկել: Շատ մարդիկ կան, որ այդ կառույցներում են աշխատում, սին պատրանքների մեջ են: Մթնոլորտի փոփոխության մասին են խոսում, բայց եթե սկզբունքային հարցերում դու ունես խնդիր, ապա ոչ սկզբունքային հարցերում կոսմետիկ փոփոխությունները ամենեւին չեն բերելու ցանկալի արդյունքի»,-ասաց նա:
Մելիքյանը հիշեցրեց, թե 44-օրյա պատերազմի ժամանակ ինչպես էինք տրվում այդ «խայտառակ քարոզչությանը» «Եթե ես Արցախ չայղցելեի հոկտեմբերի 3-ին եւ իմ աչքով չտեսնեի, թե այնտեղ ինչ է կատարվումգուցե ավելի դոզան ավելի շատ լիներ ինձ մոտ: Քաղցր խոսքերին չպետք է հավատալ: Մարդիկ գալիս ինչ-որ խոստումներ են տալիս, բայց մենք մոռանում ենք, թե այդ մարդիկ որտեղից են եկել, ինչ օրակարգով են եկել: Դա նշանակում է հերթական անգամ կանգնել փոցխի վրա»,-ասաց ՀԿ ղեկավարը:
Աղբյուր՝ News.am
