Աղ, սուրճ, առանց շաքարի կոմպոտ

Արցախցի կանայք շրջափակման պայմաններում գործի են դնում իրենց երևակայությունն ու հնարամտությունը։

Նրանք հողից աղ են ստանում։ Հողը եփում են ու միջի աղը քամում, չորացնում արևի տակ և օգտագործում։

Արցախի կանայք նաև սուրճ են «ստանում»։ Գարին, սիսեռը, ոլոռը բովում են կրակի վրա, 1990-ականներից պահած ձեռքի սրճաղացով աղում ու որպես սուրճ՝ խմում։

Արցախում կանայք իրենց այգու մրգերից չրեր են պատրաստում ու կոմպոտներ, իհարկե, առանց շաքարի։ Մտածում են՝ երբ լավ ժամանակներ գան, շաքարավազ լինի, կխառնեն կոմպոտներին, կքաղցրացնեն, բայց հիմա գոնե հասցնեն միրգը պահածոյացնել. ո՞վ գիտե՝ է՞լ ինչ է սպասվում։