Լոնդոնի Սուրբ Եղիշե հայկական եկեղեցում աղոթել են հայ գերիների տունդարձի համար:
Էկումենիկ աղոթքի պատարագիչն էր Միացեալ Թագավորութեան եւ Իռլանդիայի Հայոց Թեմի Առաջնորդ Տ. Հովակիմ եպիսկոպոս Մանուկյանը։ Սրբազանն իր խոսքում հիշեցրեց Ադրբեջանի բանտերում դեռևս պահվող հայ բանտարկյալների մասին։
Ինչպես արդեն հայտնել ենք՝ աշխարհասփյուռ Հայ եկեղեցին Բաքվում պահվող հայ ռազմագերիների համար միասնական աղոթք է հնչեցրել՝ մեր եղբայրներին անհապաղ ազատ արձակելու պահանջով։
