Լյուքսեմբուրգում ՀՀ դեսպանության նախաձեռնությամբ դեկտեմբերի 17-ին Լյուքսեմբուրգի Պետանժ քաղաքի մշակույթի տանը տեղի է ունեցել Սերգեյ Փարաջանովի 100-ամյակին նվիրված ցուցահանդեսի բացման արարողությունը։ Այս մասին հայտնում են Բելգիայում ՀՀ դեսպանությունից։
Բացման խոսքով հանդես են եկել Պետանժի քաղաքապետ Ժան-Մարի Հալսդորֆը և Լյուքսեմբուրգում Հայաստանի դեսպան Տիգրան Բալայանը։
Պարոն Հալսդորֆը նշել է, որ ցուցահանդեսը Հայաստանի նկատմամբ համերաշխության ևս մեկ դրսևորում է և Հայաստանի Դիլիջան քաղաքի հետ հաստատված համագործակցության գործնական օրինակ, որի կարևոր բաղադրիչներից է մշակութային փոխանակումը։
Դեսպան Տիգրան Բալայանը երախտագիտություն է հայտնել Պետանժի քաղաքապետ Ժան-Մարի Հալսդորֆին և քաղաքային խորհրդին՝ միջոցառումը հյուրընկալելու համար։ Շնորհակալություն է հայտնել նաև Երևանում Փարաջանովի տուն թանգարանին և ՀՀ կրթության, գիտության, մշակույթի և սպորտի նախարարությանը՝ ցուցահանդեսի նմուշները տրամադրելու համար։ Առաձնահատուկ ընդգծել է, որ Հայաստանի նախաձեռնությամբ ՅՈՒՆԵՍԿՕ-ն Սերգեյ Փարաջանովի ծննդյան 100-ամյա հոբելյանը ներառել է Հռչակավոր մարդկանց և կարևոր իրադարձությունների և հոբելյանների 2024-2025 թթ․ օրացույցում, ընդգծել է Փարաջանովի մեծ ներդրումն ու ակնառու դերը արվեստի զարգացման գործում, ինչպես նաև Ուկրաինայի նախագահի կողմից մեծն վարպետ Փարաջանովին «Ուկրաինայի ազգային լեգենդ» մրցանակով պարգևատրումը։
Embassy of Armenia to Belgium / Mission of Armenia to the EU
