Լիբանանում ցամաքային գործողության հետևանքները նման չեն լինի հրեական պետության կողմից իրականացված նախկին օկուպացիաների հետևանքներին։ Այս մասին հայտարարլ է Թուրքիայի նախագահ Ռեջեփ Թայիփ Էրդողանը, տեղեկացնում է ՌԻԱ Նովոստի-ն։
Ելույթ ունենալով Թուրքիայի Ազգային մեծ ժողովում՝ Էրդողաննը նշել է. «Ես շատ հստակ զգուշացնում եմ Իսրայելին, որ Լիբանանում ցամաքային գործողության հետևանքները նման չեն լինի նրա նախկին օկուպացիայի հետևանքներին։ Լիբանանի պաշտպանությունը նույնը չէ, ինչ Գազայի պաշտպանությունը, որը մեկուսացված և կտրված է ամբողջ աշխարհից»:
Անցյալ շաբաթից Իսրայելի ռազմաօդային ուժերը զանգվածային հարվածներ են հասցնում Լիբանանի տարբեր շրջաններում գտնվող «Հեզբոլլահ»-ի թիրախներին։ Մի քանի թիրախային ավիահարվածներ են գրանցվել նաև Բեյրութում, որոնց արդյունքում սպանվել են «Հեզբոլլահ»-ի բարձրաստիճան հրամանատարները։
