«Նախնական հետաքննությունը ցույց է տալիս, որ Իսրայելն է պատասխանատու հունվրի 28-ին Իրանի կենտրոնական Սպահան նահանգում ռազմարդյունաբերական համալիրի վրա անօդաչուով հարձակման համար։
Սիոնիստական ռեժիմի այս արարքները միջազգային իրավունքի խախտում են»,- ՄԱԿ-ի գլխավոր քարտուղարին ուղղված նամակում նշել է ՄԱԿ-ում Իրանի ներկայացուցիչ Ամիր Սաեիդ Իրավանին. նհայտնում է Reuters-ը։
«Իրանը հավատարիմ է իր լեգիտիմ ու առաջնային իրավունքին՝ պաշտպանելու իր ազգային անվտանգությունն ու վճռականորեն պատասխանելու սիոնիստական ռեժիմի (Իսրայել) ցանկացած փորձի կամ սխալ արարքի երբ ու որտեղ անհրաժեշտ լինի»,- գրել է Իրավանին իր նամակում։
