Իշխանափոխություն ոչ թե պահանջում են, այլ’ իրականացնում. քաղաքագետ

25

Ինչո՞ւ պետք է ստեղծվի Վստահության կառավարություն, այլ ոչ թե Ժամանակավոր կառավարություն եւ ինչու պետք ստեղծվի հիմա, այլ ոչ թե հայտնի անձի հրաժարականից հետո. այս մասին գրել է քաղաքագետ Ստեփան Դանիելյանը։
Պետք է ստեղծվի հիմա, որովհետեւ այդ անձը հրաժարական չի տալու եւ այդ կառավարության ստեղծման հիմնական իմաստը նրա հրաժարականին հասնելն է։
1. Երբ կլինի հրաժարական — այն ժամանակ, երբ կառավարման կենտրոնը կտեղափոխվի հրապարակ։
Երկու օրինակ.
— 1988-ին ստեղծված շարժումը դե ֆակտո իշխանությունը վերցրել էր մինչեւ դե յուրե գործող կառավարության հրաժարականը։ Ժողովուրդ, անգամ պետական մարմինները, հետեւում էին հրապարակի իշխանության ցուցումներին, իսկ ոստիկանությունը բանակցություններ էր վարում նրանց հետ։
— 2018-ին նույն պրոցեսն էր ընթանում, ժողովուրդն, ու արդեն ոստիկանությունը, կատարում էին փողոցի “կառավարության” հրահանգները, այսինքն դե ֆակտո իշխանությունն արդեն փոխվել էր։
Եզրակացություն, իշխանափոխությունը սկսվում է այն ժամանակ, երբ փողոցում բաց ու թափանցիկ կերպով ձեւավորվում է հրահանգներ տվող մարմին, որին սկսում են ենթարկվել, այսինքն ժողովրդի կողմից ճանաչվում է լեգիտիմ, իսկ ոստիկանությունը սկսում է բանակցել, այսինքն ճանաչում է կառավարման նոր կենտրոնը։
2. Ինչու Վստահության կառավարություն, որովհետեւ այդ մարմնին, փողոցի կառավարությանը, ժողովուրդը պետք է վստահի ու կատարի հրահանգները։ Այս պահին նման վստահություն կարող են ունենալ ոչ կուսակցականները։ Կուսակցությունները խաղի մեջ կմտնեն, երբ կլինի արտահերթ ընտրություն, իսկ շարժումները հասնում են նպատակին, երբ վերկուսակցական են լինում։