Ոմանց ակտիվ աշխատանքն է, որ եկանք-հասանք այն կետին, ես ստիպխված պետք է անկախ պատգամավոր լինեմ, լրագրողների հետ զրույցում այսօր ասաց «Հայաստան» խմբակցությունից հեռացած պատգամավոր Գեղամ Նազարյանը։
Հարցին՝ ներսի՞ց է գործընթաց իրականացվել, վերջինս հերքեց։
«Ներսից չէ։ Այն ուժերը, որոնք անդադար սկսեցին իմ դեմ պայքարել։ Երբ 22 թվականից սկսած՝ ես նկատում եմ, որ իմ դեմ ֆեյսբուքյյան գրառումներ կան՝ և՛ իրենց դեմքերով, և՛ ֆեյքային գրողներով, ընդ որոմ՝ սուտ, կեղծ…
Երբ իմ դեմ պայքարում էին, սուտ լուրեր էին տարածում, ես համեստորեն լսժռում էի, ասում էի՝ էս փուլն էլ կանցնի։ Բայց ծավալվեց-ծավալվեց։ Մինչև հիմա չեմ հասկանում պատճառը, անկեղծ ասած՝ ես էլ եմ փորձում հասկանալ՝որն է պատճառը»,- ասաց պատգամավորը։
Լրագրողների դիտարկմանը, որ պատճառ կարող էր լինել Նիկոլ Փաշինյանին ներելու մասին իր հայտարարությունը, Գեղամ նազարյանն ասաց՝ գիտի, որ դա կարող էր պատճառ լինել։
«Ես կարող էի դա չասել, իմ մտքում պահել, բայց ես հատուկ եմ ասել։ Ներելը քրիստոնեական հասկացողություն է։ Երբ ես ասում եմ՝ Նիկոլին ներել եմ, դա չի նշանակում, որ ասում եմ՝ ՆԻկելը ճիշտ էր կամ Նիկոլի գործողությունները հասկացել եմ, որի օրինաչափ էին, որ Նիկոլը չպետք է պատասխան տաայն որոշումների համար, որոնք հանգեցրին ողբերգության, արհավիրքի, մեր տների կործանման»,- ասաց Նազարյանը։
Հաջորդ ճշտող հարցին՝ Նիկոլ Փաշինյանի՞ն է համարում այդ ամենի մեղավորը, պատգամավորը պատասխանեց՝ ոչ միայն։
«Նրան և ոչ միայն նրան։ Նիկոլ Փաշինայնաը շատ մեծ մեղավորություն ունի, բայց դա չի նշանակում, որ նա մենակ է եղել, մենակ է պատերազմ բերել»,- ասաց նա։
Նազարյանի խոսքով՝ Նիկոլ Փաշինյանը շատ մեծ մեղավորություն ունի, բայց դա չի նշանակում, որ ինքը մենակ է եղել։
«Եթե մենք այս փաստը վերցնենք ու շարունակենք, նոր աղետ ենք փորելու մեր առաջ, սա հասկացել եմ երկար ուսումնասիրություններից հետո»,- ասաց նա։
Գեղամ Նազարյանն ասաց, որ մի օր մարդկանց կփորձի բացատրել, որ պատերազմի միակ մեղավորն ու պատասխանատուն Նիկոլ Փաշինյանը չէ։
