Ի՞նչն է կանգնած Արեւելյան Միջերկրական ծովում Թուրքիայի արկածախնդրության հետեւում. Foreign Policy

Արեւելյան Միջերկրական ծովում Թուրքիայի արտաքին քաղաքականությունը որոշվում է ոչ թե ածխաջրածիններով, այլ ռեւիզիոնիստական հավակնություններում աշխարհաքաղաքական ինքնիշխանության նկատմամբ, գրում է Foreign Policy-ն:

Անկարան օգտվում է տարբեր ինստիտուցիոնալ, տնտեսական կապերով եւ Արեւմուտքի հետ անվտանգության ոլորտում շփումներով, որպեսզի վեր բարձրանա տարածաշրջանային համակարգում իշխանության աստիճանով:

Ընդ որում՝ Թուրքիայի ներքին քաղաքականությունը շարժվում է իսլամական պոպուլիզմի, ազգայնականության եւ ավտորիտարիզմի ուղղությամբ:

Արտաքին քաղաքականության հարցում Անկարան ձգտում է դառնալ խոշոր գերտերություն ամենուր, որտեղ դա հնարավոր է տարածաշրջանում՝ միջոցներ ներդնելով ռազմական տեխնիկայում՝ նպատակ հետապնդելով փոխել աշխարհաքաղաքական իրավիճակն ի նպաստ սեփական շահերի: Թուրքիայի նախագահ Ռեջեփ Թայիփ Էրդողանի աշխարհընկալումը ցույց է տալիս, որ Միջերկրական ծովում հարեւան Կիպրոսի եւ Հունաստանի հետ տարածքային վեճը վերաբերում է ոչ միայն բնական գազի ռեսուրսներին, սակայն նաեւ ինքնիշխանության խնդիրներին: Նրա քաղաքականությունը ընդգրկում է ոչ միայն հին, այլ նաեւ նոր աշխարհաքաղաքական ձգտումներ: Նյութական շահը մոտիվացրել է Թուրքիայի էքսպանսիոնիզմը, սակայն նա նաեւ ոգեշնչվում է նույնականությամբ եւ գաղափարախոսությամբ: Թուրքիան այժմ ռեւիզիոնիստական պետություն է. այն նախաձեռնում է ռազմական միջամտություններ եւ ձգտում վերահսկել օտար տարածքը, ինչպես Սիրիայում եւ Իրաքում, մարտահրավեր է նետում ցամաքային սահմաններին եւ ծովային սահմաններին, ինչպես Կիպրոսի եւ Հունաստանի դեպքում, մասնակցում է դեմոգրաֆիական ինժեներիայում եւ քաղաքական միջամտություններում, ինչպես Սիրիայում եւ Հյուսիսային Կիպրոսում, սատարում է բազաներն արտերկրում, օրինակ, Սոմալիում եւ Քաթարում, եւ խթանում է կախյալ  վստահված անձանց, ինչպես Լիբիայում, Սիրիայի հյուսիսում եւ Լեռնային Ղարաբաղում:

Թուրքիայի հիմնադիր Մուստաֆա Քեմալ Աթաթուրքի հետեւորդները երբեք չէին դիմի այդպիսի ռիսկային արկածախնդրությանը: Հակառակը, քեմալական արտաքին քաղաքականությունը հիմնականում հիմնված էր կորցնելու վախի, այլ ոչ ինքնիշխան տարածություն ստանալու հիման վրա: Սակայն Էրդողանի եւ նրա հետեւորդների համար միշտ կա ցանկալի ինչ-որ բան:

News.am