Թուրքական լիրան շարունակում է գահավիժման գործընթացը:
Առավոտյան Կենտրոնական բանկի կողմից տոկոսադրույքների իջեցման ֆոնին այն արժեզրկվել է ևս վեց տոկոսով՝ հասնելով ռեկորդային՝ 17,38 լիրայի՝ մեկ դոլարի դիմաց:
Թուրքիայի ԿԲ-ը դեկտեմբերի 17-ին որոշում էր կայացրել նվազեցնել տոկոսադրույքը՝ 15 տոկոսից հասցնելով 14-ի: Այսօր արդեն 10:45-ի պահով թուրքական ազգային արժույթի փոխարժեքը գնահատվել է 17,38՝ մեկ դոլարի դիմաց: Մինչդեռ երեկվա աճուրդի տվյալներով՝ փոխարժեքը կազմել էր 16,41 լիրա:
Թուրքական արժույթը, որի փոխարժեքը հունվարին կազմում էր 7,4 լիրա՝ մեկ դոլարի դիմաց, տարվա ընթացքում արժեզրկվել է ավելի քան 55 տոկոսով, ի դեպ արժեքի 37 տոկոսը կորցրել է վերջին մեկ ամսում։
