Մերոնք ադրբեջանցի զինվորականների սադրանքներին չեն տրվում, իսկ այդ սադրանքները կան ու լինելու են։ Այս մասին NEWS.am-ի հետ զրույցում ասաց Տեղ համայնքի ղեկավար Ներսես Շադունցը՝ անդրադառնալով իր այն հայտարարությանը, որ նախօրեին ադրբեջանցի զինվորականները զենքով սպառնացել են հայ հովիվներին։
«Անհանգստանալու բան չկա։ Մենք մեր արոտավայրերն օգտագործում ենք։ Այնպես չի, որ իրենց ասելով մենք պիտի արտովայրեր չտանենք մեր անասուններին։ Զենքերը գյուղացիներին բաժանված է, մեր տղաներն էլ գիշերը մարտական հերթապահություն են անցկացնում, ամեն ինչ նորմալ է։ Մենք դատապարտված ենք սահմանին ապրելու»,- ասաց համայնքի ղեկավարը։
