«Հայաստան» խմբակցության պատգամավոր Ագնեսա Խամոյանը գրում է.
Պատկերացնո՞ւմ եք, Դանիելը «Փաստերի ստուգման հարթակի» ղեկավարն է, դրա համար մեծ գրանտ է ստացել, ընդդիմության(ձևի համար երբեմն էլ իշխանության ստորին օղակների) խոսքերի անհամապատասխանություններն ու ստերն է իբր բացահայտում, իսկ ինքը՝ լինելով Նիկոլի սպասարկուն, առանց ամոթի, խեղաթյուրում է երեկվա իմ գրառումը։ Տիպիկ Նիկոլ է, Նիկոլի դեմքը նաև Դանիելն է, արևմուտքից միլիոնավոր դոլարների գումարներ են ստանում փաստերի խեղաթյուրման համար։
Քանի որ ջանք չեն խնայել թեման մանիպուլյացնելու (ինչը ևս մեկ անգամ փաստում է, որ գրածս իրականություն է) ևս մեկ անգամ փաստում եմ՝ Նիկոլը ունի որոշում ոստիկանական ուժերով հարմար պահ գտնել Վոլոդինի և Լավրովի այցերի կապակցությամբ հավաքելու Ֆրանսիայի հրապարակի վրանները։
Բայց մենք զգոն ենք և ամուր։
Նշենք, որ Ագնեսա Խամոյանը պատասխանել է «Իրազեկ քաղաքացիների միավորում» հկ նախագահ Դանիել Իոաննիսյանին, որը գրել էր. «Եթե այս մարդիկ Լավրովի և Վոլոդինի համար պատրաստ են Ֆրանսիայի հրապարակը բացել, ապա վախենում եմ պատկերացնել, թե ինչն են պատրաստ բացելՊուտինի համար»։
Հիշեցնենք, որ ինչպես հայտնի է, ՌԴ արտաքին գործերի նախարար Սերգեյ Լավրովը և ՌԴ Պետդումայի նախագահ Վյաչեսլավ Վոլոդինը կայցելեն Հայաստան և կմասնակցեն Երևանում նախատեսված ՀԱՊԿ արտաքին գործերի նախարարների խորհրդի նիստին։
