Հայաստանի ֆուտբոլի ֆեդերացիայի նախագահ Արմեն Մելիքբեկյանն այսօր կայացած մամուլի ասուլիսի ժամանակ հայտարարեց՝ ինքը հրաժարական չի տալու։
«Ես ասել եմ, որ հրաժարական չեմ տալու։ Ամոթալի պարտություններ և այլն… նորից եմ ասում՝ ով ցանկանում է տեսնել ու լսել՝ տեսնում է, ով չի ցանկանում՝ չի տեսնում։ Հրաժարականն ինստիտուցիոնալ խնդիր է, և շատ կարևոր է, թե ինչ են կարծում այն ինստիտուտի անդամները, որոնք ընտրել են քեզ։ Բացառությամբ երկու ակումբի՝ մենք քննարկումներ ենք ունենում, և բոլորը հասկանում են զարգացման տեմպերն ու օբյեկտիվ խնդիրները»,- լրագրողների հետ հանդիպմանը հայտարարեց նա։
