ԱԺ նախագահ Ալեն Սիմոնյանն անընդունելի է համարում ՀՀ արտաքին գործերի նախարար Արարատ Միրզոյանի և Գարեգին Բ կաթողիկոսի եղբոր՝ Եզրաս արքեպիսկոպոս Ներսիսյանի համեմատությունը՝ որպես ԱԱԾ-ի հետ ենթադրյալ գործակցություն ունեցող անձինք։
«Համեմատականներ անցկացնելն անընդունելի է։ Եթե ՀՀ ԱԱԾ-ն հիմա ձեզ բոլորիդ հրավիրի և ասի՝ եթե զինվոր եք տեսնում, որ մեր սահմանն է անցնում, կասե՞ք։ Իսկ այլ բան է, երբ դու գնում ես Սովետական Միության՝ այլ երկրի ազգային անվտանգությանը հավատարմության երդում ես տալիս»,- ասաց Սիմոնյանը։
Ըստ նրա՝ ինքը, որպես ԱԺ նախագահ, նույնպես հարկ եղած դեպքում անձամբ զանգում է ԱԱԾ տնօրենին և տեղեկություններ հայտնում, ասում, որ վտանգ կա։
Հիշեցնենք, որ իշխանությունները Եզրաս արքեպիսկոպոսին մեղադրում են ԽՍՀՄ ՊԱԿ-ի (ԿԳԲ) հետ գործակցելու մեջ։ Միաժամանակ երեկ ԱԳ նախարար Արարատ Միրզոյանը լրագրողների հետ զրույցում նշել էր՝, ինքը, որպես փորձագետ, աջակցել է ԱԱԾ-ին։
